सायबर गुन्हेगारी रोखण्यासंदर्भात 28 रोजी जनजागृती सभेचे आयोजन

बेळगाव : सायबर गुन्हेगारी संदर्भात जनजागृती करण्यासाठी बेळगाव जिल्हा ज्येष्ठ नागरिक सोसायटी व पोलीस आयुक्त कार्यालय यांच्यावतीने शनिवार दिनांक 28 मार्च रोजी जनजागृती सभेचे आयोजन करण्यात आले आहे.

मंगळवार पेठ टिळकवाडी येथील सामर्थ्य मंदिराच्या सभागृहात ( बालिका आदर्श विद्यालयाच्या जवळ ) सायंकाळी 4 वाजता होणाऱ्या या जनजागृती सभेत सायबर गुन्हेगारांपासून सुरक्षित राहण्यासाठी ज्येष्ठ नागरिकांनी कोणती सावधानता बाळगावी यासंदर्भात बेळगावचे पोलीस आयुक्त भूषण गुलाबराव बोरसे व सायबर गुन्हा शाखेचे सहाय्यक पोलिस आयुक्त मंतेरो मार्गदर्शन करणार आहेत.

बेळगाव-सायबर गुन्हेगारांकडून ज्येष्ठ नागरिकांना लुटण्याच्या प्रकरणात दिवसेंदिवस वाढ होत असून या गुन्हेगारांच्या कारवायांमुळे काहींच्या जीवावर बेतले आहे. यामुळेच यावर जनजागृती करणे व ज्येष्ठ नागरिकांनी कोणती सावधानता बाळगावी यासंदर्भात बेळगाव जिल्हा ज्येष्ठ नागरिक सोसायटी व पोलीस आयुक्त कार्यालय यांच्यावतीने जनजागृती आणि मार्गदर्शन सभेचे आयोजन करण्यात आले आहे.
ज्येष्ठ नागरिकांनी या सभेस वेळेवर उपस्थित रहावे असे आवाहन अध्यक्ष विश्वास धुराजी तसेच विकास कलघटगी व शिवराज पाटील यांनी केले आहे.