बढतीसाठी पात्रता परीक्षा 26 मे पासून

बेंगळूर : सरकारी माध्यमिक शाळांतील सहशिक्षकांना सरकारी पूर्वपदवी महाविद्यालयांमध्ये व्याख्याता पदावर बढती देण्यासाठी आयोजित करण्यात आलेली पात्रता परीक्षा 26 मे पासून सुरू होणार आहे.

26 मे रोजी सकाळी कन्नड, उर्दू, गणित, जीवशास्त्र आणि दुपारी इंग्रजी, संस्कृत विषयांची परीक्षा होईल. 27 मे रोजी सकाळी इतिहास, दुपारी हिंदी, 29 मे रोजी सकाळी अर्थशास्त्र, दुपारी राज्यशास्त्र तर 30 मे रोजी सकाळी समाजशास्त्र आणि दुपारी भूगोल विषयांची परीक्षा आयोजित करण्यात आली आहे.
जनगणनेच्या कारणास्तव ही परीक्षा पुढे ढकलण्यात आली होती. आता सुधारित वेळापत्रक जाहीर करण्यात आले असून उमेदवारांनी आपला अर्ज क्रमांक आणि जन्मतारीख नमूद करून प्रवेशपत्र संकेतस्थळावरून डाउनलोड करावेत, असे सूचित करण्यात आले आहे.

प्रवेशपत्र डाउनलोड करण्यासाठी संकेतस्थळ :
sts.karnataka.gov.in/GPSTRNHK