महिला विद्यालय शाळेच्या वार्षिक क्रीडा स्पर्धा थाटात

बेळगाव : महिला विद्यालय हायस्कूलचा क्रीडा महोत्सव उत्साहात पार पडला. या कार्यक्रमाला संस्थेचे अध्यक्ष ॲड. सचिन बिच्चू उपस्थित होते. प्रमुख पाहुणे म्हणून स्केटिंग प्रशिक्षक सूर्यकांत हिंडलगेकर, शाळेचे मुख्याध्याप के. एन. पाटील उपस्थित होते.

कार्यक्रमांची सुरवात विद्यार्थीनींच्या शिस्तबद्ध पथसंचलनाने झाली. मुख्याध्यापक के. एन. पाटील यांनी प्रास्ताविक केले तसेच प्रमुख पाहुण्यांचे स्वागत केले. दीपप्रज्वलन केल्यानंतर ध्वजारोहण झाले.
शाळेतील विद्यार्थ्यांनी लाठी काठी, योग, कवायती, लेझिम, उत्कृष्ट बँडपथक व भारतीय नृत्य आदी सादर केले. यावेळी बेळगांव जिल्हा रोलर स्केटिंग असोसिएशनतर्फे शाळेतील उत्तम कामगिरी करणाऱ्या विद्यार्थीनीना स्पोर्ट्स जॅकेट देऊन सन्मानित करण्यात आले.
शारीरिक सदृढतेसाठी विद्यार्थ्यांनी रोज मेहनत घेतली पाहिजे असे यावेळी बोलताना सूर्यकांत हिंडलगेकर यांनी म्हटले. या कार्यक्रमाला शाळेतील सर्व शिक्षक, कर्मचारी व विद्यार्थी उपस्थित होते.