बागलकोट जिल्हा रुग्णालयाच्या बाथरूममध्ये विधवेवर अत्याचार ...?

बागलकोट : जिल्हा रुग्णालयातील डी-श्रेणीतील बाह्य कंत्राटी कर्मचाऱ्याने बाथरूममध्ये एका विधवा महिलेवर बाथरूममध्ये अत्याचार केल्याचे धक्कादायक वृत्त आहे. फरीदसाब डांगी असे विधवेवर अत्याचार केलेल्या आरोपीचे नाव आहे.

34 वर्षीय पीडित महिला उपचार घेत असलेल्या आपल्या रुग्ण भावाच्या उपचारासाठी रुग्णालयात राहिली होती.
आपल्या आजारी भावाची सेवा करण्यासाठी गेल्या महिनाभरापासून रुग्णालयात राहिलेल्या त्या महिलेसोबत आरोपी फरीदसाब डांगी याची ओळख झाली होती. या ओळखीमुळे दोघांत अधूनमधून बोलणे व्हायचे.
4 मे रोजी मध्यरात्री 12 ते 2 वाजण्याच्या दरम्यान आरोपीने त्या महिलेला धमकावून डी-श्रेणी कर्मचाऱ्यांच्या बाथरूममध्ये नेले आणि तिच्यावर अत्याचार केला. कृत्यानंतर आरोपीने महिलेला आतमध्येच बंद करून ठेवले आणि तो निघून गेला.
घटना उघडकीस आल्यानंतर पीडितेच्या कुटुंबीयांनी
बागलकोट महिला पोलीस ठाण्यात फिर्याद दाखल केली. पोलिसांनी आरोपीविरुद्ध भादवि कलम 127(2), 352, 351(2), 64, 64(2)(2) अंतर्गत गुन्हा दाखल केला आहे. आरोपीला कठोर शिक्षा व्हावी, अशी मागणी पिडीत महिलेच्या भावाने पोलिसांकडे केली आहे.
या प्रकार गांभीर्याने घेऊन जिल्हा रुग्णालयाचे शल्यचिकित्सक महेश कोणी यांनी आरोपी फरीदसाब याला तत्काळ नोकरीतून काढून टाकले आहे.