तोराळी सीआरपीएफ कोब्रा प्रशिक्षण केंद्रातून झाला जवान बेपत्ता

खानापूर : खानापूर तालुक्यातील जांबोटी परिसरातील तोराळी गावाजवळील सीआरपीएफ कोब्रा कमांडो प्रशिक्षण केंद्रातून एक जवान बेपत्ता झाला आहे.. यासंबंधी खानापूर पोलीस ठाण्यात फिर्याद दाखल करण्यात आली आहे.

एम. रतन बाबू (वय 39 ) असे बेपत्ता झालेल्या त्या जवानाचे नाव असून तो आंध्र प्रदेश राज्यातील गुंटूर जिल्ह्यातील रेपल्ली तालुक्यातील भट्टीपरुलू गावचा रहिवासी आहे.
मागील दोन महिन्यांपासून तोराळी येथील सीआरपीएफ कोब्रा प्रशिक्षण केंद्रात प्रशिक्षण घेत असलेला जवान एम. रतन बाबू हा सोमवारी दिनांक 14 एप्रिल 2025 पासून बेपत्ता आहे.
14 रोजी सकाळी 6.30 वाजता आपल्या जनरल ड्युटीवर होता. तेथून तो अचानक बेपत्ता झाला. याप्रकरणी खानापूर पोलीस ठाण्यात गुन्हा दाखल करण्यात आला आहे.

कोब्रा कमांडो प्रशिक्षण केंद्राचे उपकमांडर मनीष कुमार यांनी सोमवारी सकाळी पोलीस ठाण्यात तक्रार दाखल करताना सांगितले की, जवान एम. रतन बाबू हे कोणत्याही वरिष्ठ अधिकाऱ्यांची परवानगी न घेता आणि कोणालाही माहिती न देता केंद्रातून बेपत्ता झाले आहेत.

या संदर्भात जर कुणाला काही माहिती मिळाल्यास, खानापूर पोलीस ठाण्याशी अथवा तोरळी येथील कोब्रा कमांडो प्रशिक्षण केंद्राशी संपर्क साधण्याचे आवाहन करण्यात आले आहे.