आयपीएल क्रिकेट बेटिंग : मुंडगोडमध्ये एकास अटक, तिघे फरार

उत्तर कन्नड : आयपीएल 2025 च्या राजस्थान विरुद्ध पंजाब सामन्यावर बेटिंग लावणाऱ्या चौकडीचा तपास मुंडगोड पोलिसांनी लावला असून यांपैकी एकास ताब्यात घेण्यात आले असून तिघेजण पोलिसांच्या हातून निसटले आहेत.

मंजीनाथ कोरव (वय 33, राहणार डॉ. आंबेडकर गल्ली मुंडगोड) असे पोलिसांनी चतुर्भुज केलेल्या आरोपीचे नाव असून आनंदनगर येथील वेंकटेश अरिवाण (वय 32), गडग येथील मंजीनाथ आसंगी (वय 30) आणि सांचि गल्ली येथील हरीश बाळेम्मनवर (वय1 28) हे तिघेजण पोलिसांच्या हाती तुरी देऊन निसटले आहेत.

मिळालेल्या खात्रीलायक माहितीवरून मुंडगोड पोलिसांनी मुंडगोड येथील केएसआरटीसी बसस्थानकाजवळ ही कारवाई करतआरोपींकडून 2,300 रुपये रोख रक्कम, लावा कंपनीचा मोबाईल फोन, बेटिंगसंदर्भातील नोंदी असलेली वही व पेन जप्त केले आहेत.

जिल्हा पोलीस अधीक्षक एम. नारायण, एचएसपी कृष्णमूर्ती आणि डीएसपी गणेश के.एल. यांच्या मार्गदर्शनाखाली पोलीस निरीक्षक रंगनाथ नीलमण्णवर यांच्या नेतृत्वाखाली ही कारवाई करण्यात आली.