गळफास घेऊन तरुणीची आत्महत्या

बेळगाव : नेहरूनगर येथे पीजी मध्ये राहणाऱ्या तरुणीने गळफास घेऊन आत्महत्या केली आहे. ऐश्वर्या असे त्या तरुणीचे नाव असून ती विजापूरची रहिवासी आहे.

ऐश्वर्या ही एमबीए झाली आहे. एमबीए झाल्यानंतर कामाकरिता ती बेळगावला आली होती. बेळगाव नेहरूनगर येथे पीजी करून राहिलेली ऐश्वर्या एका खाजगी कंपनीत मागील तीन महिन्यांपासून प्रशिक्षण घेत होती. ज्या पीजीमध्ये ती राहत होती त्या खोलीच्या दरवाजा बराच वेळ उघडला गेला नसल्याने संशय येऊन दरवाजा तोडण्यात आला. यावेळी ऐश्वर्याने पास लावून घेऊन आत्महत्या केल्याचे निदर्शनास आले.

आत्महत्या करण्यापूर्वी मोबाईलवर ती खूप वेळ कोणाशी तरी बोलत असल्याचे सीसीटीव्हीमध्ये कैद झाले आहे.
तिने आत्महत्या का केली याचे नेमके कारण समजू शकलेले नाही. बेळगाव एपीएमसी स्थानकात गुन्हा दाखल करण्यात आला असून पोलीस तपास करीत आहेत.