कनकपूर : बस चालकाचे बसवरील नियंत्रण सुटल्याने झालेल्या अपघातात पोलीस उप निरीक्षकासह दोघांचा मृत्यू झाला.
बेंगळूर-कनकपूर रस्त्यावर आज सोमवारी सकाळी हा भीषण अपघात घडला.
आज सकाळी केएसआरटीसी बस कनकपूर येथून बेंगळूरच्या दिशेने चालली होती. कग्गलीपूर पोलीस ठाण्याजवळ चालकाचे बसवरील नियंत्रण सुटले आणि बस रस्त्यावरील दुभाजक ओलांडून विरुद्ध दिशेने जाणाऱ्या बाईकवर धडकली. यामध्ये बाईकचालक नागराज आणि दुचाकीच्या मागील आसनावर बसलेल्या एका व्यक्तीचा मृत्यू झाला. या अपघातात आणखीन एक जण ठार झाला.
अपघातात ठार झालेले दुचाकीचालक नागराज हे इलेक्ट्रॉनिक सिटी ट्रॅफिक पोलीस ठाण्याचे पोलीस उपनिरीक्षक होते.
दुचाकीला धडक दिल्यानंतर बस रस्त्याशेजारील खोल खड्यात कोसळली. या घटनेतचार जण गंभीर जखमी झाले.
जखमींपैकी एकाची स्थिती चिंताजनक असून त्याला निम्हान्स (NIMHANS) रुग्णालयात दाखल करण्यात आले आहे. उर्वरित तिघांना दयानंद सागर रुग्णालयात हलविण्यात आले आहे, अशी माहिती उपलब्ध झाली आहे.
