माती ढासळली आणि दोन कामगार मातीत गाढले गेले ..!

बेळगाव : पाईपलाईन घालण्याचे काम सुरू असताना अचानकपणे माती ढासळली आणि त्या मातीखाली दोघे कामगार गाढले गेले..
न्यु गांधीनगरनजिक राष्ट्रीय मार्गाशेजारच्या हॉटेल पै जवळील सर्विस रोडवर ही घटना घडली आहे

या घटनेत मरण पावलेले बसराज सरवी (वय 38) आणि शिवलिंग सरवी (वय 20) हे दोघेही राहणार मूडलगी तालुक्यातील पटगुंडी गावचे रहिवासी होते.

आज बुधवारी कर्नाटक राज्य पाणीपुरवठा आणि मलनिस्सारण विभागातर्फे या भागात पाईपलाईन टाकण्याचे काम सुरू होते. यावेळी बसराज सरवी आणि शिवलिंग सरवी हे पाईप टाकण्यासाठी खणलेल्या चरित उतरून काम करीत होते. यावेळी अचानक माती ढासळली आणि त्या मातीखाली दोघे कामगार गाढले गेले.

घटनेनंतर तिथे उपस्थित असलेल्या इतर कामगार व स्थानिक नागरिकांनी मातीखाली गाढल्या गेलेल्या त्या दोन कामगारांना मातीच्या ढिगाऱ्या खालून बाहेर काढण्याचा प्रयत्न केला. पण, काही उपयोग झाला नाही.

काही वेळाने जेसीबीच्या सहाय्याने माती बाजूला करण्यात आली आणि दोघांना बाहेर काढून जिल्हा रुग्णालयात हलविण्यात आले. परंतु, तत्पूर्वीच त्यांचा मृत्यू झाला होता.

घटनेची माहिती मिळताच माळमारुती पोलीस ठाण्याचे अधिकारी घटनास्थळी पोहोचले आणि घटनास्थळी जमलेल्या बघ्यांची गर्दी हटवली.
या दुर्घटनेमुळे परिसरात हळहळ व्यक्त केली जात आहे.