ऑपरेशन सिंदूर फतेह करणाऱ्या सोफिया कुरेशी यांचे बेळगावशी नाते : त्या कोन्नूरच्या स्नुषा

बेळगाव : ऑपरेशन सिंदूरने घराघरात पोहोचलेल्या लेफ्टनंट कर्नल सोफिया कुरेशी यांचे बेळगावशी घनिष्ट नाते असून त्या बेळगावच्या स्नुषा आहेत.

लेफ्टनंट कर्नल सोफिया कुरेशी यांचे पती कर्नल ताजुद्दीन यांचे जन्मगाव कोन्नूर ( जिल्हा बेळगाव) हे असून बेळगावकरांसाठी ही एक अभिमानास्पद बाब म्हटली पाहिजे.

पेहलगाम येथील दहशतवादी हल्ल्यानंतर भारतीय लष्कराने ऑपरेशन सिंदूर हाती घेतले आणि यासाठी लेफ्टनंट कर्नल सोफिया कुरेशी आणि विंग कमांडर व्योमिका सिंग (Wing Commander Vyomika Singh) यांची निवड केली. त्यांनी एअर स्ट्राईक करीत दहशतवादी तळाना उद्ध्वस्त करीत मोहीम फतेह केली. यानंतर या दोघी महिलांसाठी आयकॉन ठरल्या. यातील सोफिया कुरेशी यांचे सासर बेळगाव जिल्ह्यातील कोन्नूर हे आहे.

ऑपरेशन सिंदूर यशस्वी केल्यानंतर गावातील अनेक लोक कोन्नूर येथील त्यांच्या सासरला भेट देत असून, ताजुद्दीन यांच्या कुटुंबाचे अभिनंदन करत आहेत.