प्यास फाऊंडेशन देणार हलशीवाडी येथील दोन तलावांना पुनरुज्जीवन

बेळगाव : बेळगावच्या प्यास फाऊंडेशनने हलशीवाडी येथील दोन तलावांना पुनरुज्जीवन देण्याचे काम हाती घेतले आहे.

या प्रकल्पांतर्गत हलशीवाडी येथील दोन तलावातील साठलेला गाळ काढून तलावाची संरचनात्मक दुरुस्ती करण्यात येणार आहे. तसेच पाणी साठवण क्षमता वाढविली जाणार आहे.

सीएसआर भागीदार, एकेपी फेरोकास्टच्या सहकार्याने खानापूर तालुक्यातील हलशीवाडी येथील त्या दोन तलावांचे पुनरुज्जीवनाचे काम हाती घेण्यात आले आहे.

शेती आणि ग्रामीण उपजीविकेवर पाण्याच्या टंचाईचा वाढता परिणाम लक्षात घेऊन, फाऊंडेशनने हलशीवाडी येथील या दोन महत्त्वाच्या तलावांच्या विकासाचे काम हाती घेतले आहे. या प्रकल्पामुळे येत्या कांही वर्षांत शेतकरी आणि रहिवाशांना मुबलक पाणी उपलब्ध होईल, असे या प्रकल्पासंदर्भात बोलताना प्यास फाऊंडेशनचे अध्यक्ष डॉ. माधव प्रभू यांनी म्हटले. त्यांनी भंडारे परिवाराचे, विशेषतः या प्रकल्पाचे सीएसआर भागीदार, एकेपी फेरोकास्टच्या सहकार्याबद्दल पराग भंडारे आणि प्रीती भंडारे यांचे आभार मानले.
माजी ता. पं. सदस्य चंद्रकांत देसाई यांनी या प्रकल्पामुळे पाण्याची टंचाई कमी होण्यास, भूजल पातळी सुधारण्यास आणि गावाच्या सर्वांगीण विकासात योगदान देण्यास मदत होईल असे सांगून प्रकल्पाच्या यशस्वी अंमलबजावणीसाठी स्थानिक रहिवाशांकडून पूर्ण सहकार्याचे आश्वासनही दिले.
ज्येष्ठ गावकरी वामन देसाई यांनी पारंपरिक विधींनी प्रकल्प कामाला चालना दिली. त्यानंतर कामाचे औपचारिक उद्घाटन करण्यासाठी प्रतिकात्मक भूमिपूजन सोहळा पार पडला.
याप्रसंगी प्यास फाउंडेशनचे उपाध्यक्ष अभिमन्यू डागा, सचिव डॉ. प्रीती कोरे, सहसचिव अवधूत सामंत, खजिनदार लक्ष्मीकांत पसारी, संचालक रोहन कुलकर्णी, दीपक औलकर, अजय आचार्य, दत्तात्रय देसाई, माणिक देसाई, रघुनाथ देसाई, विनायक देसाई, रवींद्र देसाई, सुधीर देसाई, मिलिंद देसाई, देसाई, मिलिंद देसाई, श्रीमान देसाई, ग्रामस्थ प्रकाश देसाई, विष्णू देसाई, रमेश देसाई, उमेश देसाई, लव देसाई, नारायण देसाई, प्रमोद देसाई, राजन सुतार, विनोद देसाई यांच्यासह बरेच गावकरी उपस्थित होते.