पाकिस्तानची ख्रिश्चन महिला हुबळीत ...! सरकारला करण्यात आलाय अहवाल सादर

हुबळी : पाकिस्तानची ख्रिश्चन महिला हुबळीत वास्तव्यास असून सरकारच्या निर्देशानुसार त्या महिलेवर कारवाई केली जाणार असल्याची माहिती हुबळी-धारवाड शहर पोलीस आयुक्त एन. शशिकुमार यांनी दिली आहे.

मूळची पाकिस्तानातील ही ख्रिश्चन महिला हुबळीत राहत असून, तिच्याबाबतचा संपूर्ण अहवाल सरकारला सादर करण्यात आला आहे. सरकारच्या निर्देशानुसार तिच्यावर पुढील कारवाई करण्यात येईल, असे पोलीस आयुक्त एन. शशिकुमार यांनी सांगितले आहे.

पाकिस्तानातील कच्छ येथील ही ख्रिश्चन महिला सन 2016 मध्ये हुबळीतील एका ख्रिश्चन पुरुषाशी विवाहबद्ध होऊन हुबळीत स्थायिक झाली आहे. या दांपत्याला दोन मुले असून, ती महिला दीर्घकालीन व्हिसावर येथे वास्तव्यास आहे. तिच्याविषयीची सर्व माहिती वरिष्ठ अधिकाऱ्यांना व सरकारला पाठवण्यात आली असून वरिष्ठ अधिकाऱ्यांच्या सूचनेनुसार पुढील कारवाई केली जाईल, असेही एन. शशिकुमार यांनी स्पष्ट केले आहे.