बेळगाव मराठा सेंटरमध्ये अग्निवीर भरती मेळाव्याचे आयोजन

बेळगाव : येथील मराठा लाईट इन्फंट्री रेजिमेंटल सेंटरच्या बेळगावमध्ये छत्रपती शिवाजी स्टेडियमवर अग्निवीर भरती मेळाव्याचे आयोजन करण्यात आले आहे.

दिनांक 27 जूनपासून अग्निवीर भरती प्रक्रिया चालणार असून कर्नाटकासह महाराष्ट्र, गोवा, मध्यप्रदेश, छत्तीसगड, गुजरात व आंध्र प्रदेशातील उमेदवारांना या भरती मेळाव्याचा लाभ घेता येणार आहे. इच्छुक उमेदवारांनी भरती प्रक्रियेला उपस्थित राहण्याचे आवाहन मराठा लाईट इन्फंट्रीतर्फे करण्यात आले आहे.

दिनांक 27 जून रोजी खेळाडूंसाठी शारीरिक चाचणी होणार आहे. तर 28 रोजी केवळ महाराष्ट्रातील उमेदवारांसाठी अग्निवीर जनरल ड्युटी पदासाठी भरती होईल. यामध्ये अहमदनगर, अकोला, अमरावती, छत्रपती संभाजीनगर, बीड, बुलढाणा, भंडारा, चंद्रपूर, धुळे, गडचिरोली, गोंदिया, हिंगोली, जळगाव, जालना, कोल्हापूर, लातूर, मुंबई येथील उमेदवारांना सहभागी होता येणार आहे.