कर्जबाजारी युवकाने गळफास घेऊन संपविले जीवन ..!

खानापूर : डोकीवर असलेला तीन लाखाच्या कर्जाचा बोजा उतरायचा कधी आणि कसा ? या विवंचनेत मनोधैर्य खचलेल्या 26 वर्षीय युवकाने स्वतःला गळफास लावून घेऊन आत्महत्या केली.

खानापूर तालुक्यातील चिकद्दीनकोप गावातील शिवारात त्या कर्जबाजारी युवकाने जीवन संपविले.
महावीर गुंडू हनीगोळ असे आत्महत्या केलेल्या युवकाचे नाव असून त्याने दुसऱ्याच्या शेतामध्ये जाऊन गळफास घेऊन आत्महत्या केली.

महावीर गुंडू हनीगोळ या युवकाची शेती खूपच कमी आहे. त्यातच त्याच्या डोकीवर तीन लाखाचे कर्ज झाले होते. आता कर्ज कसे भरायचे या काळजीपोटी मानसिक धैर्य खचलेल्या महावीरने जीवन संपविण्याचा निर्णय घेतला आणि हे टोकाचे पाऊल उचलले.
नंदगड पोलीस स्थानकात या घटनेची नोंद करण्यात आली आहे.