कलबुर्गी लिकर लायन्स संघ विजयी : बेळगाव ब्लास्टर संघ उपविजेता

कलबुर्गी लिकर लायन्स संघ विजयी : बेळगाव ब्लास्टर संघ उपविजेता

बेळगाव : बेळगाव लिकर मर्चंट संघटनेच्या वतीने जिमखाना मैदानावर घेण्यात आलेल्या क्रिकेट स्पर्धेत कलबुर्गी लिकर लायन्स संघाने विजेतेपद पटकाविले. तर बेळगाव ब्लास्टर संघाला उपविजेते पदावर समाधान मानावे लागले.
सदर स्पर्धेत आठ संघांनी भाग घेतला होता. हुबळी धारवाड, कलबुर्गी, जमखंडी व बेळगाव मधून संघाने सहभाग दर्शविला होता. अंतिम सामन्यात कलबुर्गी लिकर लायन्स संघाने बेळगाव ब्लास्टर संघाचा नऊ गडी राखून पराभव केला.
बक्षीस वितरण समारंभाला प्रमुख पाहुणे म्हणून संघटनेचे अध्यक्ष गणेश हलगेकर, मुरलीधर जाधव, सतीश काबाडी, पुरस्कर्ते प्रणय शेट्टी, ऋतुराज भाटे आनंद चव्हाण, संजीव रानोरे, महांतेश पाटील, आकाश शेट्टी, फ्रान्सिस लोबो आदी मान्यवर उपस्थित होते.
पाहुण्यांच्या हस्ते विजेत्या व उपविजेत्या संघांना आकर्षक चषक व रोख रक्कम देऊन सन्मानित करण्यात आले. या स्पर्धेसाठी पंच म्हणून शहजाद पठाण व अनिल गवी यांनी काम पाहिले. स्पर्धा यशस्वी करण्यासाठी संघटनेच्या सर्व पदाधिकाऱ्यांनी विशेष परिश्रम घेतले.