जगदीश शेट्टर यांनी केली रेल्वे पायाभूत सुविधा प्रकल्पांवर अधिकाऱ्यांशी चर्चा

हुबळी : बेळगावचे खासदार तथा कर्नाटकचे माजी मुख्यमंत्री जगदीश शेट्टर यांनी दक्षिण- पश्चिम रेल्वे कार्यालयाला भेट देवून तेथील अधिकाऱ्यांशी विविध विषयांवर चर्चा केली.

यावेळी दक्षिण- पश्चिम रेल्वेचे महाव्यवस्थापक पी. अनंत यांनी हुबळी येथील रेल सौध येथे खासदार तथा कर्नाटकचे माजी मुख्यमंत्री जगदीश शेट्टर यांचे स्वागत केले.

यावेळी जगदीश शेट्टर यांनी बेळगाव विभागातील महत्त्वाच्या रेल्वे पायाभूत सुविधा प्रकल्पांवर अधिकाऱ्यांशी सविस्तर चर्चा केली. नव्या रेल्वे मार्गांच्या उभारणीसह अमृत भारत स्टेशन योजनेअंतर्गत सुरू असलेल्या स्थानक पुनर्विकास कामांचा त्यांनी आढावा घेतला. तसेच विविध प्रकल्पांसाठी आवश्यक असलेल्या जमीन संपादनाशी संबंधित मुद्द्यांवरही चर्चा केली.