अल्पवयीन मुलीवर अत्याचार : युवकास जबर शिक्षा

अल्पवयीन मुलीवर अत्याचार : युवकास जबर शिक्षा

संकेश्वर : अल्पवयीन मुलीवर अत्याचार केल्याप्रकरणी 23 वर्षीय युवकाला न्यायालयाने जबर शिक्षा ठोठावली. दर्शन भगवंत हुणश्याळी ( राहणार- शंकर नगर, संकेश्वर) असे सजा झालेल्या युवकाचे नाव आहे.
दर्शन याने एका अल्पवयीन मुलीला प्रेमाच्या जाळ्यात ओढून तिला दुचाकीवरून नेले आणि तिच्यावर अत्याचार केला.
या प्रकरणी दर्शन हुणश्याळी विरोधात संकेश्वर पोलीस ठाण्यात गुन्हा दाखल करण्यात आला होता.
संकेश्वर पोलिसांनी दर्शनला पोक्सो कायद्या अंतर्गत गजाआड करुन त्याच्यावर न्यायालयात दोषारोपपत्र दाखल केले.
न्यायाधीश श्रीमती सी. एम. पुष्पलता यांनी साक्षीपुराव्या आधारे भारतीय दंड संहिता आणि पोक्सो कायद्याअंतर्गत आरोपी दर्शन हुणश्याळी याला 30 वर्षांचा कठोर कारावास व 1 लाख रुपये दंड, बीएनएस कलम 137 अंतर्गत आरोपीला 7 वर्षे जादाची कैद आणि 25 हजार रुपये दंड अशी शिक्षा सुनावली. त्याचबरोबर पिडीत बालिकेला जिल्हा कायदा सेवा प्राधिकारच्या वतीने 4 लाख रुपये परिहार धन देण्याचा आदेश देण्यात आला.
न्यायालयात पिडीत बालिकेच्या बाजूने सरकारी वकील एल. व्ही. पाटील यांनी काम पाहिले.