अखेर पोलिसांनी त्या ठकसेनाच्या मुसक्या आवळल्याचं ....!

बेळगाव : अगरबत्ती पॅकिंग करण्याचा रोजगार देण्याचे आमिष दाखवून महिलांना सुमारे 2 कोटी रुपयांचा गंडा घालून पोबारा केलेल्या पंढरपूरी ठकसेनाला अखेर शहापूर पोलिसांनी जेरबंद केले.

घरबसल्या अगरबत्ती पॅकिंग करण्याचा रोजगार देण्याचे आमिष दाखवून या ठकसेनाने बेळगावच्या शेकडो महिलांची आर्थिक फसवणूक करून धूम ठोकली होती. महिलांची आर्थिक फसवणूक करणाऱ्या या आरोपीला शहापूर पोलिसांनी अखेर चतुर्भुज केले.

बाबासाहेब लक्ष्मण कोळेकर ( वय 35) रा. जाळोळी ( तालुका-पंढरपूर) सध्या राहणार पूरसंघी ( पुणे ) याने महिलांना अगरबत्ती पॅकिंगचे काम देतो असे सांगून सेक्युरिटी अमाउंट च्या नावाखाली प्रत्येकाकडून त्याने 2500 हजार रुपये घेतले होते. ही रक्कम तब्बल 2 कोटींच्या घरात होती.
बी.एम. ग्रुप महिला गृहोद्योग समूह या नावाने गृहोद्योग चालविणाऱ्या या भामट्याने हजारो महिलांकडून पैसे घेतल्यानंतर पोबारा केला होता. लक्ष्मी आनंद कांबळे (रा. पाटील गल्ली, खासबाग-बेळगाव) यांनी 25 ऑक्टोबर 2025 रोजी या विरोधात शहापूर पोलीस ठाण्यात फिर्याद दाखल केली होती..
तसेच या फसवणुकीविरोधात शेकडो महिलांनी जिल्हाधिकारी कार्यालयावर मोर्चा काढून पोलीस आयुक्तांनाही निवेदन दिले होते. तसेच त्या भामट्याला तातडीने अटक करण्याची मागणी केली होती. पोलिसांनी त्या ठकसेनाचा शोध चालविला होता. आणि शेवटी पोलिसांनी
बाबासाहेब लक्ष्मण कोळेकर दिनांक 4 नोव्हेंबर 2025 रोजी त्याच्या मुसक्या आवळल्या. पोलीस त्या आरोपीची चौकशी करीत आहेत.