6 मे रोजी सुवर्ण विधानसौध येथे जिल्हा रोजगार कार्यालयाचा रोजगार मेळावा

बेळगाव : स्थानिक रोजगाराला चालना देण्यासाठी जिल्हा रोजगार कार्यालय, बेळगाव यांच्यावतीने खासगी क्षेत्रातील कंपन्यांसाठी थेट भरती मोहीम आयोजित करण्यात आली आहे. हा रोजगार मेळावा बुधवार, 6 मे 2026 रोजी होणार असून, पीयूसी किंवा पदवी शिक्षण पूर्ण केलेल्या पुरुष उमेदवारांसाठी ही संधी उपलब्ध आहे.
दिनांक 6 मे रोजी सकाळी 9.30 ते दुपारी 2.30 या वेळेत जिल्हा रोजगार कार्यालय कक्ष, सुवर्ण विधानसौध, बेळगाव येथे नोंदणी व अर्ज प्रक्रिया होणार असून
पीयूसी किंवा कोणत्याही शाखेच्या पदवीधर पुरुष उमेदवाराने याचा लाभ घ्यावा असे कळविण्यात आले आहे.

या उपक्रमाच्या माध्यमातून नोकरी शोधणाऱ्या उमेदवारांना थेट खासगी नियोक्त्यांशी संवाद साधण्याची व तात्काळ रोजगार मिळवण्याची संधी मिळणार आहे. उमेदवारांनी आपल्या बायोडेटाच्या अनेक प्रती तसेच शैक्षणिक कागदपत्रांसह उपस्थित राहण्याचे आवाहन करण्यात आले आहे.
इच्छुक व पात्र उमेदवारांनी खालील लिंक वरील गुगल फॉर्मद्वारे आगाऊ नोंदणी करावी:
https://forms.gle/jBgZKYbzuaFuhc997⁠
असे कळविण्यात आले आहे.