वऱ्हाडी बस कलंडली : तिघांची प्रकृती गंभीर

शिवमोग्गा : लग्न समारंभाला लोकांना घेऊन चाललेली वऱ्हाडी बस पलटी झाली. या अपघातात अनेक जण जखमी झाले असून त्यापैकी तिघांची प्रकृती गंभीर आहे.
सोराब तालुक्यातील कोरकोडू क्रॉसजवळ ही घटना घडली.

हानगल येथे होणाऱ्या लग्न सोहळ्याला उपस्थित राहण्यासाठी सिद्धापूर येथील वऱ्हाडी बसने चालले होते. यावेळी तालुक्यातील कोरकोडू क्रॉसजवळ तलावाच्या बांधावरील वळणावर चालकाचे वाहनावरील नियंत्रण सुटले आणि बस मोरीत पलटी झाली.
सुदैवाने मोठी दुर्घटना टळली असली तरी बसमधील अनेक जण जखमी झाले. यापैकी तिघांची प्रकृती गंभीर आहे.
बसमध्ये सुमारे 50 वऱ्हाडी असल्याचे सांगितले जात असून, जखमींना तालुका सरकारी रुग्णालयात दाखल करून उपचार सुरू आहेत. या प्रकरणाची नोंद अनवट्टी पोलीस ठाण्यात करण्यात आली आहे.