बसची दुचाकीला धडक : एकाचा जागीच मृत्यू

रामदुर्ग : बसने दुचाकीला जोरदार धडक दिली. या अपघातात दुचाकीस्वाराचा जागीच मृत्यू झाला.
बेळगाव जिल्ह्यातील रामदुर्ग तालुक्यातील हलगट्टी गावाजवळ ही घटना घडली आहे.

मल्लेश हणमंता लमाणी असे या अपघातात मरण पावलेल्या दुचाकीस्वाराचे नाव आहे.

मल्लेश हे दुचाकीवरून चालले होते. हलगट्टी गावाजवळ आले असता त्यांच्या दुचाकीची आणि सौंदत्ती डेपोच्या बसची टक्कर झाली. बसच्या जोरदार धडकेने मल्लेश हणमंता लमाणी हे दुचाकीवरून खाली फेकले गेले.
या अपघातात त्यांच्या डोक्याला गंभीर दुखापत झाल्याने त्याचा घटनास्थळीच मृत्यू झाला.
घटनेची माहिती मिळताच पोलिसांनी घटनास्थळी भेट देऊन पंचनामा केला. मल्लेश यांचा मृतदेह रामदुर्ग येथील शासकीय रुग्णालयात हलवण्यात आला आहे.
या प्रकरणी रामदुर्ग पोलीस ठाण्याच्या हद्दीत गुन्हा नोंद करण्यात आला आहे.