धनश्री उत्तम शिंदे यांना कर्नाटक सरकारचा सर्वोत्तम एनएसएस स्वयंसेवक पुरस्कार प्रदान

बेंगळूर :
कर्नाटक सरकारच्या युवा सशक्तीकरण आणि क्रीडा विभागाच्यावतीने दिला जाणार कर्नाटक सरकारचा राज्यस्तरीय सर्वोत्तम एनएसएस स्वयंसेवक पुरस्कार बेळगावच्या धनश्री उत्तम शिंदे यांना देण्यात आला.

राष्ट्रीय सेवा योजनेतील उल्लेखनीय कार्यासाठी गोगटे वाणिज्य महाविद्यालय, टिळकवाडी, बेळगावची विद्यार्थिनी आणि राणी चन्नम्मा विद्यापीठ बेळगावची स्वयंसेविका धनश्री उत्तम शिंदे यांना कर्नाटक सरकारचा राज्यस्तरीय सर्वोत्तम एनएसएस स्वयंसेवक पुरस्कार धनश्री उत्तम शिंदे यांना प्रदान करण्यात आला.
हा पुरस्कार सन 2022-23 या वर्षासाठी दिला गेला असून, त्यांच्या सामाजिक कार्यातील योगदानाची दखल घेत त्यांची राज्यातील सर्वोत्तम महिला स्वयंसेवक म्हणून निवड करण्यात आली.

धनश्री यांना कर्नाटकचे माननीय राज्यपाल श्री. थावरचंद गहलोत आणि कर्नाटक राज्य ऑलिम्पिक असोसिएशनचे अध्यक्ष डॉ. के. गोविंदराजू यांच्या हस्ते हा पुरस्कार प्रदान करण्यात आला.

धनश्री ही बेळगाव येथील हॉकीपटू आणि निवृत्त ऑनररी कॅप्टन उत्तम शिंदे यांची कन्या होय. . त्यांच्या या यशाबद्दल त्यांचे सर्वत्र कौतुक होत आहे.